മയക്കുമരുന്ന് കേസിൽ ജാമ്യത്തിൽ കഴിയുന്ന യുവതിയെ വാടക വീട്ടിൽ തൂങ്ങി മരിച്ച നിലയിൽ കണ്ടെത്തി

കണ്ണൂർ: വൻതോതിൽ മയക്കുമരുന്ന് കടത്തിയ കേസിൽ ജാമ്യത്തിൽ കഴിയുകയായിരുന്ന യുവതിയെ തൂങ്ങിമരിച്ച നിലയിൽ കണ്ടെത്തി. കക്കാട് പള്ളിമുക്കിൽ വാടകയ്ക്ക് താമസിക്കുന്ന സി.ഡി ബൽക്കീസ് (27) എന്ന യുവതിയെയാണ് വീടിനുള്ളിൽ തൂങ്ങിമരിച്ച നിലയിൽ കണ്ടെത്തിയത്.

2022-ൽ ബംഗളൂരുവിൽ നിന്ന് കണ്ണൂരിലേക്ക് ലക്ഷ്വറി ബസ് വഴി പാർസലായി രണ്ട് കിലോയോളം എംഡിഎംഎ (MDMA) കടത്തിയ കേസിലെ ഒന്നാം പ്രതിയായിരുന്നു ബൽക്കീസ്. അന്ന് കേരളം കണ്ട വലിയ മയക്കുമരുന്ന് വേട്ടകളിൽ ഒന്നായിരുന്നു ഇത്. ഈ കേസിൽ മൂന്ന് വർഷത്തോളം ജയിൽ ശിക്ഷ അനുഭവിച്ച ബൽക്കീസിന് കഴിഞ്ഞ ഒക്ടോബറിലാണ് കർശ്ശന വ്യവസ്ഥകളോടെ കോടതി ജാമ്യം അനുവദിച്ചത്.