ഓമശ്ശേരി:ഓമശ്ശേരി ഗ്രാമപഞ്ചായത്ത് ഇ.കെ.ഉണ്ണിമോയി സാഹിബ് സ്മാരക ഗ്രൗണ്ടിന്റെ ആധുനിക വൽക്കരണത്തിന് അനുവദിച്ച ഒരു കോടി രൂപ ഉപയോഗിച്ചുള്ള നിർമ്മാണ പ്രവൃത്തനങ്ങളുടെ ഉൽഘാടനം ഡോ:എം.കെ.മുനീർ എം.എൽ.എ.നിർവ്വഹിച്ചു.അമ്പത് ലക്ഷം രുപ ഡോ:എം.കെ.മുനീർ എം.എൽ.എ.യുടെ എ.ഡി.എസ്.ഫണ്ടും അമ്പത് ലക്ഷം രൂപ പ്ലാൻ ഫണ്ടുമുപയോഗിച്ചാണ് വിപുലമായ സൗകര്യങ്ങളോടെ ഗ്രൗണ്ട് സജ്ജീകരിക്കുന്നത്.
55/37 മീറ്റർ അളവിലുള്ള മഡ് ഫുട്ബോൾ,വോളിബോൾ കോർട്ടും 1.5 മീറ്റർ ചെയിൻ ലിങ്ക് ഫെൻസിംഗും 4 മീറ്റർ നെയ്ലോൺ നെറ്റ് ഫെൻസിംഗും മൂന്ന് സ്റ്റെപ് ഗാലറിയും ഡ്രസ് ചേഞ്ചിംഗ് റൂം,ഗേറ്റ്,5 സോളാർ സ്ട്രീറ്റ് ലൈറ്റുകൾ
ഉൾപ്പടെയുള്ള ആധുനിക സജ്ജീകരണങ്ങളോടെയാണ് താഴെ ഓമശ്ശേരി കൽപ്പള്ളി വയലിലെ ഒരേക്കർ വിസ്തൃതിയുള്ള പഞ്ചായത്തിന്റെ ഔദ്യോഗിക മൈതാനം നവീകരിക്കുന്നത്.ആറു മാസത്തിനുള്ളിൽ നിർമ്മാണ പ്രവർത്തനങ്ങൾ പൂർത്തിയാവുമെന്നാണ് പ്രതീക്ഷിക്കുന്നത്.സ്പോർട്സ് കേരള ഫൗണ്ടേഷന്റെ മേൽ നോട്ടത്തിലാണ് നിർമ്മാണ പ്രവർത്തികൾ പുരോഗമിക്കുന്നത്.എടവണ്ണപ്പാറ ബിക്സ് ഡെവലപ്പേഴ്സ് കമ്പനിക്കാണ് കരാർ ലഭിച്ചത്.
നിലവിലെ പഞ്ചായത്ത് ഭരണസമിതിയുടെ പ്രഖ്യാപിത ലക്ഷ്യങ്ങളിലൊന്നായിരുന്നു ഗ്രൗണ്ട് നവീകരണം.പ്രവൃത്തി പൂർത്തിയാവുന്നതോടെ ഓമശ്ശേരിയിലെ കായിക പ്രേമികളുടെ നീണ്ട കാലമായുള്ള കാത്തിരിപ്പിന് വിരാമമാവും.കായിക രംഗത്ത് മികച്ച സംഭാവനകളർപ്പിച്ച ജില്ലയുടെ കിഴക്കൻ മലയോര മേഖലയുടെ പ്രവേശന കവാടമായ ഓമശ്ശേരിയുടെ കായിക കുതിപ്പിന് പുതിയ സംവിധാനങ്ങൾ വലിയ മുതൽക്കൂട്ടാവുമെന്ന് പഞ്ചായത്തധികൃതർ പറഞ്ഞു.ഓമശ്ശേരിയുടെ വികസന മുന്നേറ്റത്തിന് നായകത്വം വഹിച്ച പരേതനായ ഇ.കെ.ഉണ്ണി മോയി സാഹിബിന്റെ നാമധേയത്തിലുള്ള ഗ്രൗണ്ടിലേക്ക് ഓമശ്ശേരി-പുത്തൂർ റോഡിലെ കളരിക്കണ്ടി ഭാഗത്ത് നിന്നും ഓമശ്ശേരി-താമരശ്ശേരി റോഡിലെ താഴെ ഓമശ്ശേരി പെട്രോൾ പമ്പിന് സമീപത്തു നിന്നും പ്രവേശിക്കാൻ കഴിയും.
ബസ് സ്റ്റാന്റ് പരിസരത്ത് നടന്ന ചടങ്ങിൽ പഞ്ചായത്ത് പ്രസിഡണ്ട് പി.കെ.ഗംഗാധരൻ അദ്ധ്യക്ഷത വഹിച്ചു.വികസന സ്റ്റാന്റിംഗ് കമ്മിറ്റി ചെയർമാൻ യൂനുസ് അമ്പലക്കണ്ടി,ക്ഷേമകാര്യ സ്റ്റാന്റിംഗ് കമ്മിറ്റി ചെയർപേഴ്സൺ സീനത്ത് തട്ടാഞ്ചേരി,ബ്ലോക് പഞ്ചായത്ത് മെമ്പർ എസ്.പി.ഷ ഹന,മുൻ പഞ്ചായത്ത് പ്രസിഡണ്ട് പി.അബ്ദുൽ നാസർ,ആസൂത്രണ സമിതി ഉപാദ്ധ്യക്ഷൻ കെ.കെ.അബ്ദുല്ലക്കുട്ടി,മുൻ സ്റ്റാന്റിംഗ് കമ്മിറ്റി ചെയർമാന്മാരായ സൈനുദ്ദീൻ കൊളത്തക്കര,ഒ.പി.സുഹറ,വിവിധ സംഘടനാ പ്രതിനിധികളായ യു.കെ.ഹുസൈൻ,കെ.പി.അയമ്മദ് കുട്ടി മാസ്റ്റർ,പി.വി.സ്വാദിഖ്,ആർ.എം.അനീസ്,ഒ.കെ.സദാനന്ദൻ,പി.വി.അബ്ദുൽ റഹ്മാൻ മാസ്റ്റർ,എം.പി.രാകേഷ്,ഒ.പി.അബ്ദുൽ റഹ്മാൻ,ടി.ശ്രീനിവാസൻ,സൂപ്പർ അഹമ്മദ് കുട്ടി ഹാജി,നൗഷാദ് ചെമ്പറ,വി.കെ.രാജീവ്,പി.എ.ഹുസൈൻ മാസ്റ്റർ,പഞ്ചായത്തംഗങ്ങളായ ഡി.ഉഷാ ദേവി ടീച്ചർ,സി.എ.ആയിഷ,ഇബ്രാഹീം ഹാജി പാറങ്ങോട്ടിൽ,സ്പോർ ട്സ് കേരള ഫൗണ്ടേഷൻ അസിസ്റ്റന്റ് എക്സിക്യൂട്ടീവ് എഞ്ചിനീയർ എ.ജാഫർ,അസിസ്റ്റന്റ് എഞ്ചിനീയർ സില്ല ജോൺസൺ,മുനവ്വർ സാദത്ത് പുനത്തിൽ,വി.സി.അരവിന്ദൻ,സഹദ് കൈവേലിമുക്ക് എന്നിവർ സംസാരിച്ചു.സ്പോർട്സ് കേരള ഫൗണ്ടേഷൻ എക്സിക്യൂട്ടീവ് എഞ്ചിനീയർ മുഹമ്മദ് അഷ്റഫ് പദ്ധതി വിശദീകരിച്ചു.പഞ്ചായത്ത് വൈസ് പ്രസിഡണ്ട് ഫാത്വിമ അബു സ്വാഗതവും ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ കെ.കരുണാകരൻ മാസ്റ്റർ നന്ദിയും പറഞ്ഞു.
0 Comments