ഓമശ്ശേരി:കെ.ആർ.എഫ്‌.ബിയുടെ മേൽ നോട്ടത്തിൽ കിഫ്ബി ഫണ്ടുപയോഗിച്ച്‌ യു.എൽ.സി.സി.എസ്‌.പ്രവൃത്തി നടത്തുന്ന എൻ.ഐ.ടി-അമ്പലക്കണ്ടി-കൂടത്തായി റോഡിന്റെ പുനരുദ്ധാരണ പ്രവൃത്തികൾ അനന്തമായി നീളുന്നതിനെതിരെ ശക്തമായ പ്രക്ഷോഭം സംഘടിപ്പിക്കാൻ അമ്പലക്കണ്ടി ടൗൺ മുസ്‌ലിം യൂത്ത്‌ ലീഗ്‌ സമ്മേളനം തീരുമാനിച്ചു.മഴയത്ത്‌ അപകടം വിതക്കുന്ന ചെളിയും വെയിലത്ത്‌ രൂക്ഷമായ പൊടിയുമായി റോഡും ഗ്രാമങ്ങളും അലങ്കോലപ്പെട്ട്‌ കിടക്കുകയാണ്‌.പ്രവൃത്തികൾ ഒച്ചിന്റെ വേഗതയിൽ ഇഴഞ്ഞാണ്‌ നീങ്ങുന്നത്‌.വാഹന ഗതാഗതം താറുമാറായതും കാൽ നട പോലും ദു:സ്സഹമായതും ജനങ്ങളെ കൊടിയ ദുരിതത്തിലാക്കിയിട്ടുണ്ട്‌.11.230 കിലോമീറ്റർ ദൂരം 61 കോടി രൂപ ചെലവഴിച്ച്‌ നടത്തുന്ന പ്രവൃത്തി രണ്ട്‌ വർഷം കഴിഞ്ഞിട്ടും പൂർത്തീകരിക്കാൻ കഴിയാത്തത്‌ ജനങ്ങളോടുള്ള വെല്ലു വിളിയാണെന്നും നിർമ്മാണ പ്രവർത്തനങ്ങൾ അനാസ്ഥ വെടിഞ്ഞ്‌ ത്വരിത ഗതിയിൽ പൂർത്തീകരിക്കണമെന്നും പൊതു ജനത്തിന്റെ ക്ഷമ പരീക്ഷിക്കരുതെന്നും യൂത്ത്‌ ലീഗ്‌ സമ്മേളനം ആവശ്യപ്പെട്ടു.
അമ്പലക്കണ്ടി ലീഗ്‌ ഹൗസിൽ നടന്ന സമ്മേളനം ജില്ലാ യൂത്ത്‌ ലീഗ്‌ ജന.സെക്രട്ടറി ടി.മൊയ്തീൻ കോയ ഉൽഘാടനം ചെയ്തു.യൂനുസ്‌ അമ്പലക്കണ്ടി അദ്ധ്യക്ഷത വഹിച്ചു.വാർഡ്‌ മുസ്‌ലിം ലീഗ്‌ പ്രസിഡണ്ട്‌ അബു മൗലവി അമ്പലക്കണ്ടി പ്രാർത്ഥന നടത്തി.പഞ്ചായത്ത്‌ യൂത്ത്‌ ലീഗ്‌ ജന.സെക്രട്ടറി സഹദ്‌ കൈവേലിമുക്ക്‌ മുഖ്യപ്രഭാഷണം നടത്തി.വാർഡ്‌ മുസ്‌ലിം ലീഗ്‌ ജന.സെക്രട്ടറി ഡോ:കെ.സൈനുദ്ദീൻ,ടൗൺ മുസ്‌ലിം ലീഗ്‌ പ്രസിഡണ്ട്‌ വി.സി.അബൂബക്കർ ഹാജി,ഡോ:ടി.അലി ഹുസൈൻ വാഫി,കെ.ടി.കബീർ,ശംസുദ്ദീൻ നെച്ചൂളി,പഞ്ചായത്ത്‌ യൂത്ത്‌ ലീഗ്‌ വൈസ്‌ പ്രസിഡണ്ട്‌ പി.പി.നൗഫൽ,ഡോ.യു.അബ്ദുൽ ഹസീബ്‌,അബ്ദുൽ റഹ്മാൻ കുഴിമ്പാട്ടിൽ എന്നിവർ സംസാരിച്ചു.യു.കെ.ശാഹിദ്‌ സ്വാഗതവും കെ.റിസ്‌വാൻ നന്ദിയും പറഞ്ഞു.പുതിയ ഭാരവാഹികളായി യു.കെ.ശാഹിദ്‌(പ്രസി),കെ.റിസ്‌വാൻ(ജ.സെ),ഷംനാദ്‌ കീപ്പോര്‌(ട്രഷറർ),ഡോ:യു.അബ്ദുൽ ഹസീബ്‌,പ്രൊഫ:കെ.നജ്മുദ്ദീൻ,പി.ശബീർ,വി.പി.അസ്‌ഹറുദ്ദീൻ,അറഫാത്ത്‌ പുതിയോട്ടിൽ(വൈ.പ്ര),അലി കുഴിമ്പാട്ടിൽ,മുഹ്സിൻ കീപ്പോര്‌,റഫീഖ്‌ പുതിയോട്ടിൽ,ഷാനു തടായിൽ,കെ.ടി.മിദ്‌ലാജ്(ജോ.സെ) എന്നിവരെ തെരഞ്ഞെടുത്തു.
0 Comments