കൊടുവള്ളി: മുൻ എംഎൽഎ കാരാട്ട് റസാഖ് ഇടതുബന്ധം അവസാനിപ്പിച്ച് ലീഗിലേക്ക് മടങ്ങുന്നു. സിപിഐഎമ്മിന് സഹയാത്രികരെ ചേർത്ത് പിടിക്കാൻ സാധിക്കുന്നില്ല. അതുകൊണ്ട് മാതൃസംഘടനയിലേക്ക് മടങ്ങുന്നു എന്ന് കാരാട്ട് റസാഖ് അറിയിച്ചു.
കൊടുവള്ളിയിൽ എൽഡിഎഫ് സ്ഥാനാർഥിയായി റസാഖ് എത്തുമെന്ന് അഭ്യൂഹങ്ങളുണ്ടായിരുന്നു. എന്നാൽ ആരോഗ്യപ്രശ്നങ്ങൾ കാരണം താൻ മത്സരിക്കാനില്ലെന്ന് റസാഖ് നേതൃത്വത്തെ അറിയിക്കുകയായിരുന്നു. ഇതിനിടയില് സിപിഐഎം ജില്ലാ നേതൃത്വവുമായി കാരാട്ട് റസാഖിന് ചില പ്രശ്നങ്ങൾ ഉണ്ടായിരുന്നു എന്നും, എന്നാൽ അത് പരിഹരിച്ചുവെന്നും തരത്തിലുള്ള വാർത്തകളുണ്ടായിരുന്നു. ഇതിനുപിന്നാലെയാണ് ലീഗിലേക്ക് മടങ്ങുകയാണ് എന്ന വിവരം കാരാട്ട് റസാഖ് ഔദ്യോഗികമായി പുറത്തുവിടുന്നത്.
0 Comments