നിലവില് ഡല്ഹിയിലെ വായു മലിനീകരണത്തിന്റെ തോത് 400 നോട് അടുത്തിട്ടുണ്ട്.ഡല്ഹിയിലെ സർക്കാർ ഉദ്യോഗസ്ഥർക്ക് വർക്ക് ഫ്രം ഹോം സംവിധാനം നടപ്പാക്കണം എന്നും സ്കൂളുകള്ക്ക് അവധി നല്കണമെന്നും അടക്കമുള്ള ആവശ്യങ്ങളും ഉയർന്നു വരുന്നുണ്ട്.
നിലവില് ഡല്ഹിയില് കാർഷിക മാലിന്യങ്ങള് കത്തിക്കുന്നത് ശ്രദ്ധയില്പ്പെട്ടാല് പിഴ ഈടാക്കാനും തീരുമാനിച്ചിട്ടുണ്ട്. വായു ഗുണനിലവാര സൂചിക ഡല്ഹിയിലെ പ്രധാന നഗര മേഖലകളായ ആർ കെ പുരം, ദ്വാരക സെക്ടർ, വസീർ പൂർ എന്നിവിടങ്ങളില് എല്ലാം ഗുരുതരാവസ്ഥയിലാണ് തുടരുന്നത്. ശ്വാസതടസം, അലർജി ഉള്പ്പെടെയുള്ള ആരോഗ്യപ്രശ്നങ്ങള് ബാധിക്കുന്നവരും ഡല്ഹിയില് നിരവധിയാണ്.
സെന്റർ ഫോർ സയൻസ് ആൻഡ് എൻവിയോണ്മെന്റ് പഠന റിപ്പോർട്ട് അനുസരിച്ച് വാഹനങ്ങളില് നിന്നാണ് ഡല്ഹിയിലെ വായുമലിനീകരണത്തിന്റെ വലിയ പങ്കും ഉണ്ടാകുന്നത് എന്നാണ് റിപ്പോർട്ട്. വായു മലിനീകരണം നിയന്ത്രിക്കുന്നതിനായി ഡല്ഹിയില് ആവശ്യമായ നടപടികള് സ്വീകരിച്ചിട്ടുണ്ട് എന്നും നിയമലംഘനം നടത്തുന്നവർക്കെതിരെ കടുത്ത നടപടികള് ഉണ്ടാകുമെന്നും ഡല്ഹി സർക്കാർ മുന്നറിയിപ്പ് നല്കിയിട്ടുണ്ട്. 5000 രൂപ മുതല് 30,000 രൂപ വരെ കാർഷിക മാലിന്യങ്ങള് കത്തിക്കുന്നവരില് നിന്നും പിഴ ഈടാക്കാനാണ് തീരുമാനിച്ചിട്ടുള്ളത്.
0 Comments