കേരളത്തിൽ ലോഡ് ഷെഡിംഗ് പ്രഖ്യാപനം; പീക്ക് സമയത്ത് വൈദ്യുതി നിയന്ത്രണം

തിരുവനന്തപുരം: സംസ്ഥാനത്ത് വൈദ്യുതി പ്രതിസന്ധി രൂക്ഷമായ സാഹചര്യത്തിൽ ലോഡ് ഷെഡിംഗ് ഏർപ്പെടുത്താൻ തീരുമാനിച്ചു. കേരള സ്റ്റേറ്റ് ഇലക്ട്രിസിറ്റി ബോർഡ് (KSEB) നടത്തിയ ഉന്നതതല അവലോകന യോഗത്തിലാണ് ഇതുസംബന്ധിച്ച തീരുമാനം കൈക്കൊണ്ടത്.

വൈകുന്നേരം 6 മണി മുതൽ രാത്രി 12 മണി വരെ പീക്ക് സമയങ്ങളിൽ 15 മുതൽ 30 മിനിറ്റ് വരെ വൈദ്യുതി വിതരണം നിയന്ത്രിക്കുമെന്ന് അധികൃതർ അറിയിച്ചു. ആവശ്യകത കുത്തനെ ഉയർന്ന സാഹചര്യത്തിൽ വൈദ്യുതി ഗ്രിഡിന് നേരെയുള്ള സമ്മർദ്ദം കുറയ്ക്കുന്നതിനായാണ് നടപടി.

കടുത്ത ചൂടിനെ തുടർന്ന് വൈദ്യുതി ഉപഭോഗത്തിൽ ഉണ്ടായ വർധനവാണ് നിലവിലെ പ്രതിസന്ധിക്ക് പ്രധാന കാരണം എന്നാണ് വിലയിരുത്തൽ.

*_ജനങ്ങൾ വൈദ്യുത ഉപയോഗത്തിൽ നിയന്ത്രണം പാലിക്കണമെന്നും അധികൃതർ നിർദേശിച്ചു. ഇലക്ട്രിക് വാഹനങ്ങളുടെ ചാർജിംഗ് പീക്ക് സമയങ്ങളിൽ ഒഴിവാക്കുക, എയർ കണ്ടീഷണറുകൾ 24–26 ഡിഗ്രി സെൽഷ്യസിൽ ഉപയോഗിക്കുക, അനാവശ്യ വൈദ്യുതി ഉപകരണങ്ങൾ ഓഫ് ചെയ്യുക തുടങ്ങിയ നിർദേശങ്ങളും നൽകി._*

വൈദ്യുതി മുടക്കവുമായി ബന്ധപ്പെട്ട മുൻകൂർ അറിയിപ്പുകൾ ഉപഭോക്താക്കൾക്ക് എസ്.എം.എസ് വഴി നൽകുമെന്നും കെ.എസ്.ഇ.ബി അറിയിച്ചു.